CAP'ÒC

Qu'ètz aquiu : Arcuelh

Ressorças pedagogicas

¤ Arts visuaus
¤ Istòria de las Arts
¤ Istòria-Geografia / EMC
Cultura
- ¤ Carnaval
- ¤ Contes
- ¤ Musica
- ¤ Mustra
- ¤ Trobadors
Literatura joenessa
- ¤ Àlbums en linha
- ¤ Literatura joenessa
- ¤ La literatura en mairau
Matematicas
- ¤ Cap a las Mats
- ¤ Enigmas matematicas

Visitas

1789534 visitaires

3 visitaires en linha

Planvienguts suu site deu CAP'ÒC

Lo Cap'Òc (Site de Pau) : ubèrt au public lo dimèrcs
9 h 30 - 17 h
contacte : contact.capoc@reseau-canope.fr
05 59 30 87 63

► ubèrt lo dimèrcs de 9 h dinc a 17 h

[contact per mèl o telefòne tà un aute dia]

Navèra sortida : Lo lop, antologia

2^au grad

Lo lop, antologia

Un recuelh a l'entorn deu lop, de la soa presencia dens la cultura e la literatura occitanas de l'Edat mejan dinc a uei.

L'objectiu d'aquesta edicion qu'ei de presentar ua causida de supòrts que's poscan emplegar en classa per tractar aqueth subjècte de civilizacion.

Tribalh organizat peus IPR d'occitan de las academias de Bordèu, Tolosa e Montpelhièr e Patric Guilhemjoan.

Acompanhat de supòrts audios e videos e de pistas pedagogicas.

Bathlèu disponible : enviat directament dens los establiments escolars concernits per l'occitan.

Navèth utís : Lo còth arroi (en format kamishibai)

Kamishibai Lo còth arroi

o quin contar ua istoèra, un conte, dab l'ajuda d'illustracions hicadas dens un butaï (casteret en husta de tres pòrtas).

Ua faiçon diferenta d'utilizar los àlbums deu CAP'ÒC en classa entà tribalhar sus l'expression orau e artistica, l'escritura e la lectura dab los eslhèves.

3 jòcs : Jòc 1 : lo tèxte sancèr ; Jòc 2 : sonque los mots claus ; Jòc 3 : un chivalet, dab sonque los imatges
Disponibles en occitan gascon, occitan lengadocian e occitan lemosin

Véder la lista deus autes kamishibais au prèst

Navèth utís : La baladodifusion deu barri deu Hedàs a Pau (64)

Aplicacion disponible en telecargament :
Picar « pegaselab » dens App store o Play store. Entà cargar la baladodifusion, entrar lo còdi 11470jna dens Pégase Lab.

Lo Cap'òc que vien de finalizar ua baladodifusion au Hedàs. Qu'ei ua passejada a l'encòp istorica e saunejada en aqueth barri de Pau, qui da lo parat de har ua visita en occitan. Carolina Dufau e Matèu Baudoin que v'acompanhan musicaument e vocaument sus tot lo caminament.

La visita que balha aus escolans e collegians elements istorics qui pertòcan aqueth barri e la vila de Pau en generau. Que da tanben elements culturaus, en particular a l'entorn de Carnaval o de l'importància qu'avó l'aiga dens l'istòria deu lòc. L'utilizator qu'ei gavidat per elements onirics e inventats de çò que poderé estar aqueth barri arron ua catastròfa en 2201.

Aquera visita que's pòt concéber com un perlongament o ua introduccion a activitats multiplas : diferentas pistas d'espleitacion pedagogica taus cicles 3 e 4 que son disponiblas a l'adreça https://digipad.app/p/946633/4dfc889709543

Las 32 ficas informativas suu Hedàs que son telecargaderas suu site https://pegase.reseau-canope.fr/catalogue/#/fiche/11470jna

Disponible en occitan gascon.

Darrèras sortidas :

Manuaus d'Istòria geografia : fichèrs numerics	Fichèrs PDF, ligam de telecargament enviats aus professors deu 2^au grad. Manuau de 3^auen cors.
	Pescaires de mots Arribats ! (véder la disponibilitat dab los conselhers pedagogics / disponibles au CAP'ÒC tau 64) Un àlbum taus cicles 1 e 2, tà abordar lo purmèr lexic necessari a la classa capvath lo tèxte o las illustracions. Aqueth obratge qu'ei constituit d'un imatgèr, d'ua istòria e d'ua letra. Imaginat per Stéphanie Vaissière e Hervé Couture, illustrat per Nicolas Gouny. Adaptacion en lemosin : Josiana Eyssalet. L'istòria : "A l'escòla la regenta que'us a anonciat qu'anavan escríver ua letra. Mes quin escríver ua letra quan ne sabem pas quin escríver los mots ?" Pistas pedagogicas qui acompanhan l'àlbum : ací Possibilitat d'empruntar caishas de libes (20 ex dispo)
	Cap a las mats : Fichèrs e quasèrns de geometria (reïmpression) Véder la disponibilitat dab los conselhers pedagogics. Disponibles en occitan gascon, lengadocian e lemosin.
Colleccion Cap a las mats : fichèrs numerics	Fichèrs PDF disponibles en telecargament, disponibles dens las escòlas via un mèl dab còdis d'activacion enviats a l'adreça mèl de l'escòla.

Ajuda pedagogica : La pèira qui nada

Tà presentar e acompanhar l'àlbum "La Pèira qui nada" (taus cicles 3 e 4), que trobaratz ací ua capsula de presentacion de l'obratge dab possibilitats d'espleitacions pedagogicas detalhadas ací.

Ajuda pedagogica : Parlar

Tà presentar e acompanhar lo roman "Parlar" (tau cicle 4), que trobaratz ací ua capsula de presentacion de l'obratge dab possibilitats d'espleitacions pedagogicas detalhadas ací.

Ajuda pedagogica : Au casau de Menina

MUSTRA en LINHA

MUSTRA : TRUCS
Las esquiras, ua expression sensibla, au delà de la montanha

Possibilitat de véder l'expo en linha o de telecargar los panèus e los sons de las pistas de lectura

Activitats en linha / ressorças numericas tà ajudar a la continuitat pedagogica

Quauquas proposicions ací-baish e d'autas enqüèra dens las rubricas
Utís pedagogics e Ressorças numericas..

La caisheta deus contes A escotar e tornar escotar tau plaser. Tà tribalhar la compreneson orau, tà's préner tròç de cultura. - Contes d'acÍ - Contes d'Arnaudin	Contes en video Bestiari d'Aquitània perpausat per Denis Salles : Lo leberon de D. Chavaroche La caça volanta de M. Burg Hitilh en Gironda de David Escarpit Qui son las hadas ? de S. Mauhourat	Albums en linha Escota, lectura en mode "Karaoké". A véder, léger, escotar en linha en occitan gascon, lengadocian o lemosin.	BD Lascaus Huelhetar la BD Reportatge sus la descobèrta de l'espeluga de Lascaus (LG)	Romans au format numeric e Libes-aplicacions en partir deu nivèu A1-A2 en partir deu nivèu B1-B2 en linha tà har activitats de lectura, de lenga o tot simplament tau plaser. Roman de Renart, Cicles 3 e 4 Fichèrs numerics
Istòria de las Arts Fichas en occitan-gascon, occitan-lengadocian e occitan-lemosin. Lexic Istòria-Geografia	BD "À propos" Ua seria de 10 BD hèra bracas tà amusà's	Trobadors Consultacion en linha	GEOGRAFIA Cicle 3 Lo manuau en consultacion en versions gascona e lengadociana Lexic Istòria-Geografia	ÒC-BEN 1^èra annada Lo libe deu professor Aprenedissatge deu gascon, deu lengadocian, deu lemosin o deu provençau tot en balhar ua entrada aus estructuras comunas de l'occitan.
	Tà tornar víver o tà descobrir, los moments perpausats au parat deus cibers estanquets : - Vrespèr Contes n°1 : Dus contaires, Monica Burg de Dordonha e Sèrgi Mauhourat deu Bearn, que'ns mian peus camins de lor, suu camin de la paraula, de la lenga, suu camin deu sensible. Véder la video - Vrespèr Contes n°2 : Dus contaires, Yves Durand deu Roèrgue e Isabelle Loubère de las Lanas jonglan entre duas lengas. Quan l’un que s'estanga, que deisha suu camin un mot, reprès per l'aute contaire tà'ns miar suu son pròpi camin. Véder la video - Lo Concèrt : En partir d’un collectatge (à écouter ici), 6 musicians, Maud Herrera, Roman Baudoin, Manu Théron, Matèu Baudoin, Baltazar Montanaro, Elisa Trébouville e'ns perpausan au torn ua re-creacion personau, re-interpretacion o improvisacion. Véder la video L'ensemble d'aquestas videos que torna préner integraument los diferents rendetz-ve deu CiberCafè. Que poderatz arretrobà'us dens un format sequenciat dens quauques temps sus aqueste site.
	Lo Congrès permanent de la lenga occitana Lo Congrès qu'ei l'organisme interregionau de regulacion de la lenga occitana. Qu'amassa las institucions e las federacions istoricas occitanas e que'u sostienen las collectivitats e lo Ministèri de la cultura e de la comunicacion - DGLFLF.
				Corrector ortografic
express'Òc : expressòc	top'Òc : toponimia	dicod'Òc : sinonimes	dicod'Òc : còrpus
JÒCS DE LENGA deu CONGRÈS Lo Congrès que perpausa activitats e jòcs a l'entorn de la lenga tà tots los nivèus. Que i trobaratz lo motus, un jòc deu penut, un d'anagramas, un basat suu principi de la comptina « Trois p'tits chats » e un tà memorizar los vèrbes qui an ua alternància vocalica. Dens cada jòc, pensatz de causir la varietat d'occitan qui voletz !
Lo penut Lo jòc classic deu penut Jogar	Anagramas Un jòc d'anagramas, retrobar lo mot a partir de las soas letras. Jogar	Tres gatons Trobatz un mot qui comença com s'acaba lo precedent. Jogar	Motus Ua mena de « Mastermind » deus mots. Jogar	Jòcs de l'alternància verbau Un jòc tà apréner los vèrbes alternants. Jogar
		Filmes e serias hicats a disposicion L'associacion Conta’m, en partenariat dab l’Ofici public de la lenga occitana, que hica a disposicion deus ensenhaires e deus escolans, a gratis, corts e longs metratges d'animacion qui poderàn servir de supòrts pedagogics e/o de temps d'expausicion a la lenga nosta. Per aver accès ad aquestas ressorças : clicar Còde ensenhaire : CONTAMOPLO2020

Dispositiu ENSENHAR professor.e

Dispositiu ENSENHAR estudiant.a

L'Ofici Public de la Lenga Occitana e lo Rectorat de l'Acadèmia de Bordèu que finançan la formacion de professor-a-s qui an hàmi d'ensenhar l'occitan o en occitan, dab lo dispositiu Ensenhar professor.

Tà'n saber mei

ESTUDIANT.A,
que cercatz un projècte professionau qui aja sens e un finançament tà vòstes estudis ?

Hètz-ve professor.a bilingüe francés/occitan
e profieitatz de la borsa ENSENHAR Étudiant pendent tot lo temps de vòsta formacion !

CAP'ÒC PAU

44, bd Recteur Jean Sarrailh
INSPÉ - Bât. B
64000 PAU

Diluns : ubèrt sonque sus rendetz-vos
Dimars / Dimèrcs / Dijaus : 9h - 17h30
Que v'invitam a'ns soar au 05 59 30 87 63 o a'ns contactar per mèl a contact.capoc@reseau-canope.fr
abans de passar en pr'amor de desplaçaments sus l'Aquitània e l'Occitània totas.